“مصطفي” يحتاج إلي عملية في أمريكا بتكلفة 2 مليون دولار.. ووالده يستغيث بالرئيس السيسي
عرض والد مصطفي حالة نجله قائلًا: “مصطفي ابني عنده ١٧ سنة وتعبان اوي عنده مرض نادر اسمه CIPO ويحتاج إلى زرع كامل للجهاز الهضمي في اسرع وقت عشان يخف وللاسف هو في مرحله متقدمه من المرض وبيتألم كل يوم وبيتحمل وجع كبير فوق ما حد يتخيل و طول عمره راضي”.
وتابع: المرض عباره عن شلل في الجهاز الهضمي و تم استئصال القولون كامل و يحتاج الي زراعه جهاز هضمي كامل من خمس اعضاء عشان يقدر يعيش منهم المعده و الامعاء و الطحال و البنكرياس و للاسف الجهاز الهضمي عند مصطفي في اسوء فتره عدت علينا و يحتاج انه يكون علي التغذيه الوريديه فقط و للاسف التغذيه الوريديه حصل بسببها حساسيه و كل كام يوم لازم يحصل حراره و رعشه و حراره توصل ل٤٠ وده لان عنده السكر بسبب ان المرض قضي البنكرياس فمينفعش نديله محاليل وجلوكوز فاللي بيحصل ان بطنه بتتعب جدا من الاسهال و اسهال فوق الوصف بسبب المرض و فقدان وزن وهو مافيهوش وزن او عضلات فده بيؤثر علي حيويه الجسد بتاعه يعني ممكن يحصل مضاعفات خطيره ان القلب يقف او يحتاج تنفس صناعي فلازم يكون تحت المراقبه ٢٤ ساعه ده غير الالام.
واستطرد والد مصطفي: “مهما خد من مسكنات مش بتخفف الالم و لدرجه انه مش بينام و لا ثانيه من الالم المستمر و بطنه حاجه جواها عماله تتحرك كان جواها حاجه بتجري ومنفوخه بشكل غير طبيعي، ولما دخل المدرسه كان مع مدرسين الشادو واتعرض للتنمر من زملائه وعدي كل ده وبعد كده حصل موقف اثر عليه نفسيا جدا وهنا بدأ يتدهور وتم تشخيص حالته على أنه مصاب بمرض السكر و بدأت صحته تتدهور و عمل عمليه كبيره و مكنش بيرضا بيبين وجعه ابدا وبيتحمل.
وناشد والد مصطفي الرئيس السيسي، بتوجيه المسئولين بسفر نجله للخارج لإجراء عمليه نادره في امريكا علي يد الجراح المصري رقم واحد في العالم والتي تبلغ تكلفتها اتنين مليون دولار.
واختتم، مصطفي مبقاش قادر يمشي و لا عنده توازن و كل جسمه بقا قرح فراش من كتر قله الوزن وزنه للاسف بقي ١٧ كيلو وهو عنده ١٧ سنة.
